|
[229] EPISTOLA XXIX. A nos bons Amys les ESTATS de FRISE, ou a leurs DEPUTES. Messieurs; La mesme sincere affection & ferme volunté, qui nous avoient a commencement induite a embrasser la defence de vous, & de ces pays la, & la conservation, que de le commencement nous avons de vos afflictions, retenant excores le mesme lieu & forcae ex nous pour vous soulager & pourchasser vostre bien & repos universel, joinct aussi la cognoissance que nous avons des desordres & confusions grandes, qui sont survenus par de la, de puis le partement de nostre Cousin le COMPTE DE LEYCESTRE, nous ont faict a l'instante requeste, qui nous en a esté de vostre part faicte, le renvoyer à praesent a sa charge, comme ayants ceste consideration, qu'a faute d'un chef qu'y gouvernast avecque le respect & authorite, qui luy est convenable, & luy doibt estre maintenue, telles confusions ont este traineez & si artificiellement conduites par les cautelles de quelques mal-affectées, qu'a peu pres elles ne fussent cause de vostre ruine & de la cause commune, de faire altérer aussi nostre bonne volunte & affection, de laquelle neantmoins nous n'avons voulu estre divertie, quoy que tels gens ayent tasché a nous en donner des grandes occasions, ains avons mieux aymé de continuer nos faveurs pour le bien de vous tous, comme d'un peuple que nous aymons comme nos anciens bons Voisins & Alliez, (a) & de qui l'innocence nous est assez bien cognue. Or comme pouvez veoir que nous n'espargnons nos meilleurs moyens pour vostre seul bien, sans regarder a aultre fin, jusques a y exposer au hasard un des plus signales & premiers Seigneurs de nostre Royaulme, & que nous tenons si cher, aussi nous espérons que vous continuerez à luy monstrer toute bienveuillance, & luy donnerez toute bonne assistance comme véritablement nous scavons & recognoissons que de vostre costé vous y estes tres-bien (b) acquittez sans que donnez lieu ou faciez connivence aux menées & artifices de tels, qui tascherent a vous seduire & sejoindre de nous par une (c) opinion faulse, & contraire a nostre sincere intention, de la quelle nous vous asseurons par ces praesentes, Vous remettant au reste a ce que de temps a aultre vous sera entendre nostre dit Cousin de nostre part; Qui sera l'endroiet ou nous supplierons le Seigneur qu'il vous ayt tousjours en sa saincte & digne guarde. Escript a nostre Chasteau a Grenwiche, ce .. Iour de Iuing. MDLXXXVII. Vostre bien affectionnée, ELIZABETH. R. Haec tibi soli, Vir Clarissime, donec ipsae litterae publice lectae erunt. Quae heic latine adscripta sunt, erant a manu Richaei. Belgice exstat haec & praecedens Epistola apud Borrium, Lib. XXIII. quem vide. (a) Populi sc. & Ordinum ipsorum. |